Það er margt að segja núna. Við hjónin höfðum það gott í Vestmannaeyjum, fyrsta kvöldið vorum við hjá Erlu og Tryggva, þau buðu upp á humar og hvítvín i kvöldmatinn meira háttar gott. Við gistum þar um nóttina þetta er flott hús hjá þeim og er vestantil á eynni. Daginn eftir fórum við um morguninn upp á flugvöll og fórum þaðan í útsýnisferð um eyjunna á rútu með fólkinu sem var á fundininum sem ég var að fara á . Verðið var með okkur allan tíman, sól, sjókoma og rigning. hitinn frá 0 til 8° á C. Við fórum á hippatónleykanna þeir voru magnaðir, ég keypti mússu og hálsmen á nú enga mynd af mér í því en gæti eflaust fengið hana. Gleymdi að taka myndavélina með mér til eyja. Það fóru flestir heim á laugardaginn en við Bía ætluðum á Hippaballið um kvöldið og fórum því ekki heim fyrr en á sunnudag, en ekkert varð úr því að við færum á það vorum hjá Erlu. Þessi vika sem er að líða hefur verið þokkaleg, ég var búinn að selja öll mín hlutabréf, þannig að ég tapa sennilega bara séreignasparnaðinum en það þýðir ekkert að gráta það, margir tapað meira. Fór ekki suður að hitta Heilbrigðisráðherra fundinum var frestað um óáhveðin tíma. Hef heyrt í Hlyn og Nínu það er ágætis hljóð í þeim þrátt fyrir þrengingar Hlynur ætlar að halda áfram í skóla og Nína fór núna um helgina að skoða íbúð í Köben, fer kannski þangað eftir áramót. Halldór Páll er staddur austur á Reyðarfirði er að vinna tímabundið við Seyðisfjarðarvirkjun er hópstjóri þar yfir tveim verkamönnum, Valli lætur vel að sér gengur vel í skólanum og vinnur með. Jói er alltaf að kenna. Ég er á vakt á sjúkrabílnum núna og missti því af veislunni í Steinholti, en þar var reisugilll frá 16 til 19 í dag. Það voru Kaldbaksleitir í dag og heimtist vel. Ásdís Jónsdóttir kom hérna í morgun og samdis okkur að hún lánaði mér bíblíuna til að glugga í og reyna að læra af. Gott veður er búið að vera í dag held ég, svaf víst í tvo tíma þegar ég hélt að ég væri að horfa á handbolta. Fer til Rek á morgun og kem aftur á mánudagskvöld. Bless.

Daginn
Núna þessa stundina er ég að hlusta á Útsvar í sjónvarpinu. Það hefur verið það mikið að gera að ég hef ekki fundið mér tíma til að blogga en núna ætla ég að skrifa einhvað. Var í Reykjavík í gær á fundi hjá LHH og síðan hjá HTR og á mánudag verð ég á fundi með FOSVEST á Ísafirði. September og október eru þeir mánuðir sem alltaf eru fundir en rólegra hina mánuðina. Á fimmtudagskvöldið tók ég þátt í að kynna Frumgreinanám við Háskóla Vestfjarðar á Ísafirði það komu mun fleiri en gert var ráð fyrir. Hitti Halldór Pál í Reykjavík hann sagði mér að Valli ætlaði að senda hann austur á Seyðisfjörð í ca 10 daga að vinna við virkjun. Það er búið að vera leiðinda veður undanfarna daga rigning og rok. Ég og Bía ætlum að heimsækja beikonhjónin á miðvikudaginn, ætli við fáum ekki humar eða lunda að borða hjá þeim. Það er allt gott að frétta bæði norðan úr Bjarnarfirði og frá Danmörku. Heyrði aðeins í Nínu áðan en hún lætur vel af sér er að vinna á tveim stöðum sem eru heimili fatlaða einstaklinga annað ríkisrekið en hitt einkarekið er að fá þúsund danskar fyrir vaktina hjá því einkarekna nokkuð gott, Hlynur og Arnar voru í næsta þorpi í heimsókn og ætluðu að hjálpa við að setja upp eldhúsvask. Bía hefur ekki sofið heima undanfarna daga en kom um hádegið til að ná sér í hrein föt og fór fljótlega aftur, en sagðist koma aftur á morgun og elda kvöldmatinn, en þetta er nú allt í góðu hjá henni bara mikið að gera í vinnunni. Ég er á vakt á sjúkrabílnum í dag, það eru rollueltingarleikar hjá hinum. Veit nú ekki hvað ég á að segja ykkur meira. Bless

Fór til Reykjavíkur á sunnudaginn með viðkomu í Svignaskarði í sumarbústað hjá Helgu og Hadda stoppaði nokkuð lengi hjá þeim borðaði og fékk rauðvín með matnum, Bía var bílstjóri í þessari ferð en ég var að fara í mína árlegu skoðun hjá hjartalækninum hann gaf mér góða einkunn og vildi að ég kæmi aftur að ári. Var einhvað að tala um að ég mætti hreyfa mig meira skaðaði ekki að missa nokkur kíló en svosem gott að vera vel undirbúinn undir hörðu árin. Annars er ekki verkefnaskortur hjá mér þessa dagana en er með stöng í Bjarnarfjarðará á fimmtudag  og er að spá í að nota það ef ekki verður mikil rigning. Hef bara farið einn dag að veiða það sem af er árinu. Það fer nú bráðum að koma að því að ég hendi nokkrum myndum inn. Kveðja JBA

 

Þórdís Loftsdóttir fæddist á Gautshamri í Steingrímsfirði 8. ágúst 1926. Hún lést á
Heilbrigðisstofnuninni á Hólmavík 23. ágúst sl. Foreldrar hennar voru Loftur Bjarnason á Hólmavík  f. 17.6.1883 - d. 8.8.1956 og seinni kona hans Helga Guðbjörg Jónsdóttir f. 11.7.1895 - d. 8.9.1981. Alsystkin Þórdísar eru Gróa f. 1925, Jón f. 1927, Sigvaldi f. 1930 - d. 2006, Ingimundur Tryggvi f. 1932 - d. 1937, Guðjón f. 1934 og Karl Elinías f. 1937. Hálfsystkin hennar, börn Lofts og fyrri konu hans Gróu Einarsdóttur f. 18.12.1879 - d. 31.1.1921. eru drengur f. 1907 látin sama ár, Gísli f. 1907 - d. 1952, Aðalheiður f. 1910 - d. 2002, Björnstjerne f. 1911 - d. 1913, drengur andvana fæddur 1914 og Gestur f. 1916 - d. 1952. Þórdís var á fyrsta misseri send í fóstur hjá hjónunum að Skarði í Bjarnarfirði þeim Bjarna Jónssyni f. 1873 - d. 1948  og Valgerði Einarsdóttur  f. 1872 - d. 1932.  Uppeldissystkin  hennar á Skarði voru Torfi f. 1905, Soffía f. 1906, Jón f. 1907, Ólöf f. 1909 og Eyjólfur f. 1912, sem öll eru látin.

   Þórdís giftist 30.12.1944 Arngrími Jóhanni Ingimundarsyni á Svanshóli f. 25.7.1920 - d. 9.3.1985. Börn þeirra eru. 1) Erna f. 1945 eiginmaður Baldur Sigurðsson f. 1934 - d. 2008. Börn þeirra Árni Þór, Hafdís, Steinar Þór og Sölvi Þór. Erna á tvö barnabörn. 2) Jón f. 1946 eiginkona Þorsteinsína Guðrún Gestsdóttir f. 1948. Börn þeirra Halldóra Þórdís, Helena Ósk og Arnþór Ingi. 3) Jóhann Björn f. 1954 eiginkona Sólveig Hildur Halldórsdóttir f. 1959. Börn þeirra Halldór Páll og Nína Matthildur. Synir Jóhanns eru Unnar Rafn f. 1974 - d. 2007 og Jóhann. Synir Sólveigar eru Valgeir Örn og Hlynur Þór. Jóhann og Sólveig eiga fimm barnabörn.  4) Ingimundur f. 1957 sambýliskona Þorbjörg Hulda Haraldsdóttir f. 1958. Synir þeirra eru Arngrímur Jóhann, Haraldur Ingi, Erlingur Daði og Matthías Oddur. Ingimundur og Þorbjörg eiga fjögur barnabörn.  5) Guðjón Hjörtur f. 1963 eiginkona Signý Hermannsdóttir f. 1965. Börn þeirra eru Elsa Guðbjörg, Andri Þór og Hermann Elvar. Guðjón og Signý eiga eitt barnabarn. 6) Helga Lovísa f. 1966 eiginmaður Haraldur Vignir Ingólfsson f. 1964. Börn þeirra eru Þórdís Adda, Ingólfur Árni, Baldur Steinn og Karen Ösp.

Ingimunda Gestsdóttir tók á móti mömmu þegar hún fæddist, mamma var send í fóstur til Bjarna Jónssonar og Valgerðar Einarsdóttir á Skarði á fyrsta misseri ( sennilega 5 mánaðar ) vegna þess að Loftur og Helga ætluðu að slíta samvistum en ekkert varð úr því. Var vetrar tíma hjá Helga Sigurgeirs og Ólöfu Bjarnardóttur á Drangsnesi vann þar í fiski og fl. Helga og Loftur komu oft í heimsókn að Skarði og ætluðu að taka mömmu til sín en þá vildu hvorki hún né Bjarni og Valgerður það. Hún kynntist foreldrum sínum fyrst að ráði eftir fermingu. Var fyrst hjá þeim á Hólmavík er hún var að eiga Ernu þá um mánaðartíma.

Mamma ólst upp á Skarði hjá fósturforeldrum sínum til 17 ára aldurs. Hóf hún þá sambúð með pabba og bjuggu þau fyrst á Svanshóli. Árið 1947 fluttu þau á nýbýli sitt að Odda og bjuggu þar til dauðadags. Mamma sinnti fyrstu árin bústörfum ásamt uppeldi barna sinna enda pabbi bifreiðastjóri með búmennskunni og því oft á tíðum fjarverandi frá heimilinu yfir sumartímann. Jafnframt tók hún að sér afgreiðslustörf í útibúi KSH á Kaldrananesi sem pabbi sá um og rak. Er börnin urðu eldri og gátu hjálpað til við búskapinn færðust hennar störf meira inn á heimilið enda oft mannmargt í Odda. Ávallt var á borðum kaffi og sætabrauð og enginn gestur kom án þess að vera boðið  kaffi eða mat eftir því sem við átti. Ófáar gönguferðirnar voru teknar upp afleggjarann að þjóðveginum, til að afgreiða ferðamenn og fleiri um bensín og olíu á BP stöðinni er þar var. Þegar börnin voru að mestu leiti vaxin úr grasi vann hún við ræstingar í Klúkuskóla og Gvendarlaug hins góða yfir sumartímann. Bréfhirðinguna í Odda sá hún um í fjölda ára, uns hún var lögð niður. Tók hún þátt í að reka Hótel Laugarhól tvö sumur ásamt öllum húsmæðrum í sveitinni. Mamma sat oft og prjónaði á yngri árum enda gott að eiga hosur og vettlinga handa heimilisfólki. En á efri árum minnkaði prjónaskapurinn og fínni hannyrðir tóku við. Við andlát pabba tóku Baldur og Erna systir við rekstri meginhluta búsins enda höfðu þau búið félagsbúi í Odda fram að því. Mamma snéri sér þá eingöngu að heimilisstörfum og tók þá að sér matseld fyrir ýmsa aðila er voru við vinnu í Bjarnarfirði af og til. Í ágúst mánuði var berjatínsla hennar líf og yndi, var oft á tíðum ein heilu dagana í brekkunum. Á æskuárunum var það hennar afmælisgjöf að fá að fara í berjamó, hún hélt því áfram alla tíð, eða í það minnsta kíkti til berja eins og hún kallaði það. Berjatínur mátti mamma ekki heyra minnst á og voru þær bannaðar í hennar landi. Reyndar minnkaði hún ferðir sínar í berjamó síðustu árin, var alls ekki ein á ferð. Það kom til vegna nýrra landnema í Bjarnarfirði, óhræsis geitungunum sem henni var afar illa við.

Það stóð alla jöfnu ekki á mömmu ef minnst var á spil eða spilaleiki. Margar yndislegar stundir muna börnin hennar eftir við spilaborðið.

Ekki má gleyma söfnun hennar á spilum, pennum, gömlum munum, úrklippum úr dagblöðum og fl. Pennar sem fylla fleiri fleiri möppur. Úrklippur úr dagblöðum sem fylla möppur og kassa. Einnig safnaði hún fingurbjöllum.

Útsaumaðar myndir í eldhús prýða veggina hjá börnum hennar, ásamt dúkum undir jólatré. Barnabörnin sem hafa fermst eiga öll sína útsaumuðu fermingarstrengi og, og hún kom því þannig fyrir að þau tvö sem eftir eru að fermast fái sína.

   Útför mömmu fer fram frá Hólmavíkurkirkju í dag kl. 14 og jarðsett verður í Kaldrananeskirkjugarði.

Daginn
Setti inn nokkrar myndir sem voru teknar í Árneshreppi um síðustu helgi en það var gott veður á laugardaginn en þoka á sunnudaginn en bjart inn í Djúpuvík, Kaldbaksvík, og Bjarnarfirði. Þetta var heilmikið fjör fyrir Sunnu og Arnar þau skemmtu sér vel, Hlynur grillaði að dönskum sið. Kveðja.

Daginn
Það hefur verið gott veður síðustu daga, mikið að gera hjá mér þannig að ekkert verið að skrifa núna, set inn nokkur myndbönd frá Danmörku af Arnari og nokkrar myndir sem ég tók úti það kemur meira seinna.

Daginn
Hef haft gódan dag mikid ad læra og fyrirlestrar gódir. Gódur hiti.  Núna verda menn ad leggja sig fyrir kvöldid. kvedja

Á föstudaginn fór ég í heimsókn á Selasetrið á Hvammstang, fræddist þar um seli og veiðiaðferðir, Einhverja galdraþulu fórum við með og hún virkaðiþví núna í morgun hefur verið selur í bátarennunni hann er reyndar einhvað lasinn en merktur í Tromsö - Noregi

Það er gott veður í dag sólskyn og um 3° frost, fór norður í Bjarnarfjörð í morgun lengri leiðina hin er lokuð, tók nokkrar myndirset þær inn seinna. Haddi, Ingólfur og Steinar voru að leggja grásleppunet, Það voru nokkrir piltar mættir í Odda að moka út úr fjárhúsunum í dag, reikna með að Árni skrifi um það. Kveðja núna það er svo sterkt sólskynið að ég verð að far út. Gísli Mar er í heimsókn um helgina.

Var vestur á Ísafirði fór á þriðjudag og kom heim í kvöld, þar var milt veður með smá snjókomu og lágarenningi, fór í kirkjugarðinn á miðvikudagsmorgun og það var búið að riðja gangstíginn þar sem gröfin hans Unnars er, stoppaði við leiðið hans og Eiríks og dvaldi þar smá stund. Kom síðan aftur að leiðinu þeirra í morgun og þá var búið að moka snjóinn ofan af þeim en það var um hálfur metri að þykkt, þar dvaldi ég smá stund og fór síðan í Friðarsetrið að Holti komin þangað fyrir 10 var það á fundi til 12 þaðan fór ég til Ísafjarðar og gekk frá skjölum varðandi dánarbúið. Kom síðan við í kirkjugarðinum og setti eina rauða rós á leiðið hans Unnars og kerti, það var búið að setja rauðar rósir og kerti á leiði þeirra félaga. En núna er ár síðan þeir félagar þurftu að láta í lægra haldi fyrir æðri máttarvöldum, blessuð sé minning þeirra og er þeirra sárt saknað.  Engin dauði án lífs og ekkert líf án dauða. Það verðum við að sætta okkur við sem eftir lifum.

Var að klára að setja myndirnar inn sem ég tók í Rússlandsferðinni 2006 allavega þær myndir sem eru birtingarhæfar, áhugaverðar þær myndir úr kirkjugarðinum en öðru megin eru grafir þeirra frægu og þekktu það eru fyrri myndirnar en myndirnar sem koma á eftir máfinum eru úr þeim hluta sem hinir ófrægu eru en hann er ekki síðri í hugmyndum um grafir sumar jafnvel með styttum af viðkomandi ofan á kistulokinu. Það var nú meiningin að setja texta með myndunum en það verður að bíða um sinn, eru bara ekki með nógu margar klukkustundir í deginum hjá mér núna því ég reyni að fá eðlilega svefn Ársreikningarnir fyrir stofnunina hjá mér eru að verða tilbúnir og þá léttist aðeins vinnunni en eflaust tekur annað við. En vil taka það fram vegna fréttar um sameiningu heilbrigðisstofnana að stofnunin hjá mér er ekki þar inni núna í þessari umferð. Það er allt gott að frétta af mínu fólki þó svo að sitt lítið af hverju sé í gangi. Nína hefur það gott í Danmörku og Hlynur og Arnar standa sig einig vel í Danmörku. Íris og Sunna komu til landsins á síðasta þriðjudag og sótti Bía þær mægður á flugvöllinn. Halldór Páll snaraðist út á þriðjudag til að skoða námsframboð í dönskum háskólum en kom til baka á föstudaginn með áhugaverðar upplýsingar um nám þar. Ekki gekk mér nú vel í prófinu á laugardaginn en það gengur bara betur næst en fer væntanlega á Ísafjörð á þriðjudag og tek tíma í skólanum á miðvikudaginn það verður að róa kennarana niður það er ekki þeim að kenna, sennilega er ég bara svona tregur núna en vona að það lagist með hækkandi sól.

Er ekki gott að láta heyra í sér með mánaðar millibili. Það sem helst hefur verið að gerast er að við fórum með 2/5 af börnunum út á Keflavíkurflugvöll aðfaranótt 30. jan. Það voru Hlynur sem var í Rek í tvær vikur og Nína sem var að flytja til Danmerkur á samt vinkonu sinni. Við Bía vorum komin heim aftur á fimmtudagskvöld, höfum nú verið heima síðan, en fórum til Rek í gærdag, að skila bíl og sækja annan, tókum Baldur og Ernu með okkur norður það var skafrenningur þegar norðar dró en bjart á milli,  ég er orðin marga daga á eftir í náminu þar sem vinnan hefur átt minn hug allan áramóta uppgjör og krafa um niðurskurð á útgjöldum, Annars er allt gott að frétta af mínum nánust ekki veit ég annað. Nína ég keypti spilið fyrir þig og sendi þér það í skipspósti. Kær kveðja.

Daginn

Helgin var ágæt hjá mér ég var vestur á Ísafirði í staðarlotu en það er byrjunin á Frumgreinarnámi við Háskóla Vestfjarðar á Ísafirði. Fórum þrjú héðan frá Hólmavík á laugardagsmorgun og komum heim fyrir fréttir í gærkveldi, þetta var sérstök lífreynsla að setjast á skólabekk að nýju, ég hef ekki reiknað algebru í 32 ár en það er styttra síðan ég var að reikna hornaföll, en hef góða von í stærðfræði þar sem kennarinn er skyldur mér en hann sagði það af og frá að hann tæki tillit til þess, ég var elstur af þessum sem mættu þessa helgi og verð það sennilega áfram, ég gisti á Gamla gistihúsinu sem áður var spítali, það var ágætt góður morgunmatur og þægilegt starfsfólk smá hávaði um nóttina en tók fljótt af, svaf vel en dreymdi bara blóð sennilega verið einkvað sem áður gerðist í þessu herbergi meðan þetta var spítali. Ég var að segja við Bíu að ég yrði sennilega heima um helgina því spáin er slæm, ( reiknaði nú ekki með öðru ) Það verður ágætt til að byrja á því að komast inn í þetta nám sem er 15 einingar sem ég þarf að skila. En að öðru ég hef ekki verið nógu duglegur að koma inn myndum en ætlaði að reina að klára myndirnar frá Rússlandsferðinni og fleiri þá á eftir. Kveðja.

Gleðilegt nýtt ár, megi hamingja og friður fylgja ykkur á nýju ári