Það er þetta með vindinn hann má bara ekki vera að því að stoppa og heldur áfram að taka snjóinn með sér, búið að vera leiðinda veður flesta daga sem komnir eru af árinu en samt nokkrir góðir ekki má gleyma þeim. Það er varla að maður hafi farið að heiman veðrið hefur ekki verið það gott.

Það var bilun í síðunnu sem nú er vonandi komin í lag. Þar er strekkingsvindur með rigningu núna.

Var í Búðardal og sá þessa mynd þar spurði konuna sem var þar um myndina en hún vissi ekkert um tilurð hennar.

Óska öllum farsældar á nýu ári og þökk fyrir árið sem er liðið.

Daginn

Já ég er marg búinn að lofa að skrifa einhvað hérna núna geri ég smá bragabót á því. Það hefur eiginlega verið norðan þræsingur síðan á áramótum með fáum sólardögum sennilega 6 en hitastigið hefur verið í kring um frostmark. En núna er vorið á leiðinni held ég Öskudagur var sólarlaus að mestu en hann á 18 bræður en það var skýað og hæglætis veður en hvít slæða yfir öllu.

Núna eru við komin að áramótum eina ferðina enn árið hefur liðið alltof fljótt að mínu mati en sumir hafa beðið lengi eftir því að það megi sprengja flugelda. Það hefur ýmislegt gerst á þessu ári sem vert er að minnast á og gleðjast yfir nú síðast þegar Hlynur og Sóley eignuðust stúlku þann 28 desember og var hún 15 merkur og 52 sentimetrar á fæddist á sjúkrahúsinu á Akranesi. Nína kom heim um hátíðirnar og Gísli Mar kom um áramótin en Halldór, Linda og Hera Sóley voru heima hjá sér í Álaborg. Við krakkarnir fórum á brennu og sáum flugeldasýninguna hún var flott.

Við óskum ykkur farsældar á komandi ári með þökk fyrir stundirnar á árinu sem er að líða.

Það sem er komið af þessari viku hefur verið ágætt síðustu daga kalt frost farið í 12° á C en ef maður er í bol og síðum þá finnur maður ekki fyrir kuldanum nema Bíu var svoldið kalt heima en ég lækkaði á ofnunum því ég var svo mikið klæddur en hún er ekki eins heitfengin í dag og hún var á sínum yngri árum. 

Nóvember er alveg að verða búinn og það sem helst bar við á síðustu dögum að ég hef farið til Reykjavíkur tvisvar í þessum mánuði. Fór 15. nóvember og horfði á fótboltaleik á Hótel Hilton en þar var leikurinn sýndur á þremur stórum skjám og fyrsti dagur jólabjórs sem mér var boðið upp á þar í hjólböruvís þurfti ekki að leggja krónu út og þakka það góða boð. Fór síðan 21. nóvember og erindið var að sækja börnin hans Valla en hann var á námskeiði á Ísafirði. Kom heim á föstudaginn en með smá viðkomu í Reykjanesbæ stoppaði þar ca 2 tíma verslaði í Bónus og fl. Fór á Reykhóla í dag það ringdi mikið á leiðinni og öll hálka farinn kom við í Barmahlíð og þar var veisla drakk kaffi þar með heimilisfólki og gestum. Veðrið hefur verið umheypingasamt í nóvember en núna er 9° hiti og allur snjór farinn.

Já ég viðurkenni að ég hef ekki staðið mig í að setja inn færslur hérna. Það er helst að frétta að það er alltaf mikið að gera í vinnunni og kannski minna gert heima en skildi. Í gær fór ég suður til Reykjavíkur og var við útför Ingimars Elíassonar fyrrverandi sveitunga og eina kennarans sem ég hafði í barnaskóla.
Í dag hef ég haldið mig innandyra náði í slæma kvef-pest með beinverkjum og viðeigandi líkamshita.
Í október byrjun fórum við Bía í Borgarfjörð með góðu fólki og gistum þar eina helgi. Komum við í Borgarnesi á heimleiðinni, fórum í afmælisveislu hjá Ísabellu Sigrúnu. Hef annars varla farið út fyrir vegamót í þessum mánuði nema tvisvar í Búðardal en bæti úr því og fer á Akranes á næsta miðvikudag og legg af stað að óbreyttu 6:30 til að vera kominn 9:00.
Veðrið var nú ekki eins vont og spáð var í þessum mánuði en það er komin snjór í fjöll og hálka á fjallvegi og stundum skafrenningi. Læt nokkrar myndir fylgja með.


Þarna eru þær Sólveig H. Halldórsdóttir og Dýrfinna Torfadóttir við Deildartunguhver


Það er alltaf gaman að keyra um hlaðið á Kleppjárnsreykjum en það var norskur maður sem settist þar að og hét að sögn Klepp Járn ( Hann hefur sennilega verið járnsmiður og klappað járn í smiðjunni )


Þar er oftast til jarðaber og kryddjurtir Bía splæsti í jarðaberjadós. Skemmtilegt hús.


Mynd úr Borgarnesi eftir þessum stíg gengum við Bía á Bjössaróló


Afmælistertan hjá Ísabellu Sigrúnu.

Já það hefur verið rólegt á makrílveiðunum í dag sumir komu með 3 st en aðrir meira en um kl 17:00 var búið að landa á viktinni 15 tonnum sem er lítið.
Fór í sundlaugina um miðjan dag og hitti nokkra sjómenn í pottinum sem voru ánægðir með sundlaugina og pottinn en fannst skrítið að Hólmakaffi væri lokað í miðri sumarumferð. Ég benti þeim á Caffé Riis en þar höfðu þeir ekki sé þar sem leiðin frá höfninni lá eftir Skjaldbökuslóð og Hafnarbrautinni þeir ætluðu að skoða matseðilinn þar í kvöld.
Var að setja inn myndir sem ég tók í dagi í myndaalbúm.

Er það kappsigling í löndun ?

Jæja
Núna sé ég að ég hef ekki verið að standa mig í færslum á síðuna en smá viðleitni kemur núna. Það er allt gott að frétta af mínu fólki ekki veit ég annað. Á Hólmavík hefur verið mikið makrílævintýri síðustu daga og höfnin full af bátum.


Bátar að landa og koma inn til löndunar.

Löndunarbið en það eru fleiri myndir í albúmi.