Fjölskyldur Unnars þökkum samúðarkveðjur, þær ylja manni um hjartarætur.

Við Bía ætlum að leggja af stað vestur um hádegi á morgun, mamma kemur með okkur. Það er leiðinda veður núna vestan bylur. Nína Matthildur og Þórdís Adda koma fljúandi frá Akureyri á föstudag vestur, einnig koma Halldór og Jói með morgunflugi þann dag. Valli og Hlynur koma fljúandi á laugardagsmorgun vestur. Vonum að það verði flugveður þessa daga.

Tók þessa frétt af Morgunblaðinu til að minna okkur á hvað lífið getur stundum orðið stutt, en fyrir þá sem ekki  vita er Unnar Rafn sonur okkar Margrétar Þ. Jónsdótturs frá Hörgshlíð, nú búsett á Ísafirði. Ég vil þakka þá miklu samúð og samkend sem við fjölskyldur Unnars höfum fengið það styrkir okkur í sorginni. Einnig sendum við Sólveig konan mín aðstendum Eiríks innilegustu samúðarkveðjur

Fórust í sjóslysi í Ísafjarðardjúpi

Mennirnir tveir, sem létust þegar 10 tonna trilla, Björg Hauks ÍS, fórst í mynni Ísafjarðardjúps í gærkvöldi, hétu Eiríkur Þórðarson og Unnar Rafn Jóhannsson. Þeir voru báðir búsettir á Ísafirði.

Eiríkur var 47 ára gamall. Hann lætur eftir sig sambýliskonu, eina dóttur og fimm fóstursyni. Unnar Rafn var 32 ára. Hann var ókvæntur og barnlaus.