12.01.2019 22:08

12 jan 2019

Það var hávaðarok á miðvikudaginn einhvað fauk hérna á Hólmavík en ekki nein stórtjón sem betur fer. Í dag hefur snjóað kafaldsmugga úr norð austri annað bara gott hérna. En viðurkenni að ég gleymdi að horfa á handboltan í dag, kemur ekki oft fyrir að það gleymist. Ég var ekki með nein áramóta heit núna en lít björtum á árið sem er að byrja.

Þessa mynd tók ég austur í Skriðdal í sumar það er saltið á veginum sem þær sækja í eða er verið að rækta saltkjöt ?

Það er nú ekki rétt dagsetning á myndinni en þetta er á gamlárskvöld þarna erum við með humar og hörpudisk í forrétt.


Nautakjöt í aðalrétt allt steikt á þessum steini, Úr skelinni gerði Bía humarsúpu á nýársdag sem forrétt og það var mínútusteik í aðalrétt. Siggi var sá eini sem gat borðað ís í eftirrétt.

Þessa mynd tók ég á þrettándanum nágranni minn er að vinna í lóðinni hjá sér og innrétta gistiheimili á nr 22 þetta mun líta betur út í vor.



03.01.2019 22:32

3 janúar 2019

Gleðilegt ár og takk fyrir það liðna.

Þá eru jólin að verða búin en á þrettándanum verður síðasti dagurinn og daginn eftir þá þarf að pakka jólunum niður á mínu heimili ef ég nenni eins og segir í textanum. 

Ég var svo heppinn að hitta jólasveinana þegar þeir komi af fjöllum. Það var hið besta veður um hátíðirnar nema á gamlársdag þá var bylur. 

Það kom skip að sækja heyrúllur sem fara til Noregs svona er veðrið búið að vara í mest allan vetur logn og sléttur Steingrímsfjörður.

Þessi mynd er tekinn 24 nóvember og þá er logn og sólskyn hjá okkur.
Af okkur Bíu er allt gott að frétta hún grennist en ég stend nú í stað með þyngdina.
Bestu kveðjur til þín lesandi góður.



  • 1
Flettingar í dag: 70
Gestir í dag: 21
Flettingar í gær: 122
Gestir í gær: 16
Samtals flettingar: 420178
Samtals gestir: 64090
Tölur uppfærðar: 17.2.2019 22:00:45